विभागीय प्रतिनिधी, महेशप्रसाद दिक्षित.
जामनेर तालुक्यातील नेरी बुद्रुक येथे सुरू असलेल्या पत्ता क्लबवर पोलिसांनी धाड टाकली. पोलीस निरीक्षक निवृत्ती बोर्हाडे यांच्या पथकाने ही कारवाई केली.
पोलिसांचा ताफा येताच क्लबमध्ये पत्ते खेळणाऱ्यांची धावपळ उडाली. दृश्य एखाद्या सिनेमातील पाठलागासारखे होते.
या कारवाईत पोलिसांनी 14 मोटारसायकली, मोबाईल फोन आणि पत्त्यांचे साहित्य जप्त केले असून, खेळताना आढळलेल्या व्यक्तींवर कायदेशीर कारवाई करण्यात आली आहे.
या धडकेनंतर जामनेर तालुक्यात एकच चर्चा आहे – “पोलिसांचा ताफा पुढे कुठे जाणार?” आणि “आज नेरी बुद्रुक… उद्या पण होईल का?”
नागरिकांची अपेक्षा आहे की, कारवाई फक्त खेळणाऱ्यांवर न होता क्लब चालवणाऱ्यांवरही व्हावी आणि ती सर्वांसाठी समान असावी. क्लबच्या नावाखाली जुगाराचा अड्डा असेल तर पोलीस तिथपर्यंत पोहोचू शकतात, असा संदेश या कारवाईतून गेला आहे.