जळगाव जिल्हा प्रतिनिधी – यज्ञेश्वर पाटील
आज दिनांक १९ ऑगस्ट २०२६ रोजी सायंकाळी अडावद पोलीस स्टेशन येथे आगामी काळात साजरे होणाऱ्या सण व उत्सवांच्या अनुषंगाने एक महत्त्वपूर्ण बैठक आयोजित करण्यात आली.
सदर बैठकीस श्री गणेश मित्र मंडळाचे अध्यक्ष, उपाध्यक्ष व कार्यकर्ते तसेच पत्रकार बांधव उपस्थित होते. बैठकीस मा. उपविभागीय पोलीस अधिकारी, चोपडा भाग, चोपडा हे विशेष उपस्थित होते.
बैठकीदरम्यान आगामी सण व उत्सवांच्या कालावधीत सामाजिक सलोखा व शांतता अबाधित ठेवण्याबाबत, अफवा अथवा गैरसमज पसरविणाऱ्या बाबींवर विश्वास न ठेवण्याबाबत, कोणत्याही प्रकारचा अनुचित प्रकार घडणार नाही याबाबत दक्षता घेण्याबाबत तसेच पोलीस प्रशासनास आवश्यक ते सहकार्य करण्याबाबत स्पष्ट सूचना देण्यात आल्या.
सदर बैठकीस अंदाजे १७५ ते २०० सदस्य उपस्थित होते.