🇮🇳 क्रांती दिनानिमित्त देवकर प्राथमिक शाळेत वेशभूषा स्पर्धा उत्साहात

जळगाव प्रतिनिधी, महेश माळी.

शिक्षण प्रसारक मंडळ संचालित सौ. सु. ग. देवकर प्राथमिक स्कूल येथे क्रांती दिनानिमित्त विद्यार्थ्यांसाठी वेशभूषा स्पर्धेचे उत्साहात आयोजन करण्यात आले. इयत्ता पहिली ते चौथीच्या विद्यार्थ्यांनी विविध क्रांतिकारकांच्या वेशभूषा साकारत उपस्थितांची मने जिंकली.

कार्यक्रमाची सुरुवात शाळेच्या समन्वयिका सौ. लताताई छापेकर, मुख्याध्यापिका सौ. सुषमा साळुंखे, ज्येष्ठ शिक्षिका सौ. सुनिता चौधरी, सौ. किरण सैंदाणे व प्रशांत साखरे यांच्या हस्ते प्रतिमापूजनाने करण्यात आली.

यावेळी विद्यार्थ्यांनी स्वातंत्र्यलढ्यातील विविध क्रांतिकारकांच्या भूमिका साकारत त्यांच्या कार्याला अभिवादन केले. चिमुकल्यांच्या आकर्षक वेशभूषा, आत्मविश्वासपूर्ण सादरीकरण आणि देशभक्तीपर भावनेने कार्यक्रमाला विशेष रंगत आली.

कार्यक्रमाचे सूत्रसंचालन सौ. सोनाली बडगुजर यांनी केले. यादीवाचन सौ. कल्पना पवार यांनी केले, तर आभार प्रदर्शन सौ. शितल वारूळकर यांनी केले.

स्पर्धेचे परीक्षण सौ. सुनिता चौधरी, सौ. विद्या साखरे, किशोर सोनवणे, योगेश वंजारी, प्रशांत साखरे, योगिता कोळी, सौ. किरण सैंदाणे आणि सपना नेमाने यांनी केले.

क्रांतिकारकांच्या वेशभूषेत सजलेल्या विद्यार्थ्यांनी ‘क्रांती दिना’चा इतिहास जिवंत करत देशभक्तीचा संदेश दिला.