नंदुरबार जिल्हा प्रतिनिधी, राम ठक्कर.
नंदुरबार : राज्य मार्ग परिवहन महामंडळाच्या नंदुरबार आगार परिसरात मध्यप्रदेश राज्यातील खासगी बसमधून प्रवाशांची वाहतूक होत असल्याची बाब निदर्शनास आल्यानंतर वाहतूक विभाग व संबंधित यंत्रणेकडून संयुक्त कारवाई करण्यात आल्याची माहिती समोर आली आहे.
नंदुरबार आगार परिसरात परवानगी व वाहतूक नियमांचे पालन न करता प्रवासी वाहतूक करणाऱ्या मध्यप्रदेशातील बसवर संबंधित विभागाने कारवाई केली. या कारवाईदरम्यान बसची कागदपत्रे, प्रवासी वाहतूक करण्याची परवानगी तसेच इतर आवश्यक बाबींची तपासणी करण्यात आल्याचे समजते.
प्रवाशांच्या सुरक्षिततेच्या दृष्टीने तसेच महाराष्ट्रातील वाहतूक नियमांचे काटेकोर पालन व्हावे, यासाठी वाहतूक विभागाने ही कारवाई केली. विशेषतः आगार परिसरातून अनधिकृत अथवा नियमबाह्य पद्धतीने प्रवासी वाहतूक होऊ नये, यासाठी प्रशासनाने कठोर भूमिका घेतल्याचे या कारवाईवरून दिसून येते.
मिळालेल्या माहितीनुसार, या कारवाईत सुमारे ₹35 हजार रुपयांची दंडात्मक कारवाई करण्यात आली आहे. धुळे विभाग व नंदुरबार येथील संबंधित यंत्रणांच्या संयुक्त प्रयत्नातून ही कारवाई झाल्याचे वृत्त आहे.
दरम्यान, आगार परिसरात खासगी वाहनांमधून प्रवाशांची वाहतूक करणाऱ्या वाहनांवर भविष्यातही नियमित तपासणी व कारवाई होणे आवश्यक आहे. एसटी महामंडळाची सेवा, प्रवाशांची सुरक्षितता आणि वाहतूक नियमांचे पालन या तिन्ही बाबींच्या दृष्टीने अशा कारवायांना महत्त्व प्राप्त झाले आहे.
प्रवाशांच्या सुरक्षिततेसाठी आणि नियमांचे पालन सुनिश्चित करण्यासाठी वाहतूक विभागाची कठोर भूमिका — ही कारवाई त्याचेच उदाहरण ठरली आहे.
यावेळी उपस्थित विभागीय वाहतूक अधिकारी दिलीप जी बंजारा व आगार व्यवस्थापक सुनील जी महाले हे उपस्थित होते.