जळगाव प्रतिनिधी, निलेश खैरनार.
मुंबई : अन्नपदार्थ, औषधे, कॉस्मेटिक उत्पादने तसेच हॉटेल आणि स्ट्रीट फूडमधील अनियमितता याबाबत नागरिकांनी जागरूक राहून तक्रार करण्याचे आवाहन करण्यात येत आहे. महाराष्ट्राच्या अन्न व औषध प्रशासनाचे आयुक्त तुकाराम मुंढे यांच्या नेतृत्वाखाली भेसळ आणि नियमबाह्य प्रकारांविरोधात कारवाईला महत्त्व दिले जात आहे. महाराष्ट्र FDAच्या अधिकृत माहितीनुसार तुकाराम मुंढे हे आयुक्त असून मुंबईतील आयुक्त कार्यालयाचा दूरध्वनी क्रमांक 022-26122652 आहे.
नागरिकांना भेसळयुक्त दूध, तेल, मसाले व मिठाई, बनावट किंवा कालबाह्य औषधे, नियमबाह्य कॉस्मेटिक उत्पादने, अस्वच्छ हॉटेल अथवा स्ट्रीट फूड, चुकीचे लेबलिंग किंवा एक्सपायरी डेटशी छेडछाड अशा प्रकारांबाबत तक्रार करता येते.
महाराष्ट्र FDAच्या अधिकृत संकेतस्थळावर औषधे, कॉस्मेटिक्स, अन्नपदार्थ आणि इतर नियमनाधीन वस्तूंबाबत तक्रार नोंदवण्यासाठी स्वतंत्र ऑनलाइन grievance portal उपलब्ध करून देण्यात आले आहे.
नागरिकांनी भेसळ अथवा नियमबाह्य प्रकार आढळल्यास गप्प न बसता संबंधित प्रशासनाकडे तक्रार करावी, असे आवाहन करण्यात येत आहे. अधिकृत तक्रार नोंदवण्यासाठी महाराष्ट्र FDAच्या संकेतस्थळावरील grievance portalचा वापर करता येईल. अथवा टोल फ्री नंबर 1800 222 365 वर कॉल करून थेट तक्रार नोंदवू शकता. तुमचे नाव गुप्त ठेवले जाते.