🚧 जळगाव शहरातील महामार्गावरील अपघातप्रवण ठिकाणांची जिल्हाधिकारी यांची प्रत्यक्ष पाहणी 🚦

जळगांव जिल्हा प्रतिनिधी, निलेश खैरनार.

📍 खोटे नगर स्टॉप ते कालिंका माता चौक मार्गाची पाहणी; रस्ते सुरक्षितता, वाहतूक व्यवस्थापन व तातडीच्या उपाययोजनांवर भर

जळगाव शहरात महामार्गावर सातत्याने घडणाऱ्या अपघातांच्या पार्श्वभूमीवर जिल्हाधिकारी व जळगाव महानगरपालिका आयुक्त यांनी आज खोटे नगर स्टॉप ते कालिंका माता चौक या मार्गाची पाहणी केली.

पाहणीदरम्यान खोटे नगर स्टॉप परिसरातील महामार्गावरील खड्डे तातडीने दुरुस्त करून नागरिकांसाठी सुरक्षित व सुरळीत वाहतूक सुनिश्चित करावी, असे स्पष्ट निर्देश संबंधित यंत्रणांना देण्यात आले. अतिक्रमण, महामार्गाची सद्यस्थिती तसेच सुरू असलेल्या रस्त्याच्या कामांचा सविस्तर आढावा घेण्यात आला.

तसेच, कालिंका माता चौक परिसरात सुरू असलेल्या कामांदरम्यान वाहतूक सुरळीत सुरू राहावी, यासाठी कार्यरत वाहतूक पोलिस कर्मचाऱ्यांना प्रभावी वाहतूक नियोजन करण्याच्या सूचना देण्यात आल्या.

या पाहणीवेळी प्रकल्प संचालक, भारतीय राष्ट्रीय महामार्ग प्राधिकरण, जळगाव तसेच जळगाव महानगरपालिकेचे अतिक्रमण विभागाचे अधिकारी उपस्थित होते.