🚨 नणंद-भावजयच्या वादातून ९ महिन्यांच्या चिमुकल्याच्या तोंडात फेविक्विक ओतल्याचा आरोप!

पुणे | प्रतिनिधी

पुण्यातील लोहगाव परिसरातून मानवतेला हादरवणारी धक्कादायक घटना समोर आली आहे. कौटुंबिक वादाचे रूप इतके टोकाला गेले की, अवघ्या ९ महिन्यांच्या निष्पाप बाळाच्या तोंडात फेविक्विक ओतल्याचा गंभीर आरोप करण्यात आला आहे.

पोलिसांनी दिलेल्या माहितीनुसार, ही घटना ३१ जुलै रोजी कलवड वस्ती, लोहगाव येथे घडली. फिर्यादी अल्ताफ नबी शेख यांच्या तक्रारीनुसार, त्यांची पत्नी जैनाब शेख आणि भावजय सानिया शेख यांच्यात सुरू असलेल्या कौटुंबिक वादातून हा प्रकार घडल्याचा आरोप आहे.

घटना लक्षात येताच बाळाला तातडीने रुग्णालयात दाखल करण्यात आले. डॉक्टरांच्या उपचारानंतर बाळाची प्रकृती सध्या स्थिर असल्याची माहिती पोलिसांनी दिली आहे.

तक्रारीनुसार, आरोपीने या घटनेची माहिती कोणाला दिली किंवा पोलिसांत तक्रार केली तर जीवे मारण्याची धमकी दिल्याचाही आरोप आहे. तसेच इतर दोन जणांनीही तक्रार मागे घेण्यासाठी दबाव टाकल्याचे फिर्यादीने म्हटले आहे.

या प्रकरणी लोहगाव पोलिस ठाण्यात एका महिलेसह तिघांविरुद्ध विविध कलमान्वये गुन्हा दाखल करण्यात आला असून, पोलिसा