🚩 चाळीसगावात गवळी समाजाचा परंपरेचा हुंकार! दीपावली पाडव्याला हेलेंच्या रेड्यांच्या सलामीने सगर उत्सव थाटात साजरा

जळगाव जिल्हा प्रतिनिधी, निलेश खैरनार.

चाळीसगाव, दीपावली पाडव्याच्या मंगलमय मुहूर्तावर चाळीसगाव येथे वीरशैव लिंगायत गवळी समाजाचा पारंपरिक सगर उत्सव मोठ्या उत्साहात आणि पारंपरिक पद्धतीने साजरा करण्यात आला.

या उत्सवाचे मुख्य आणि विशेष आकर्षण म्हणजे गवळी समाजाच्या कारभाऱ्यांसमोर हेलेंच्या रेड्यांची दिली जाणारी अनोखी सलामी ही शेकडो वर्षांची परंपरा आजही त्याच जोशात जपली जात असल्याचे पाहायला मिळाले.

या मंगलमय सोहळ्यास माजी खासदार मा. श्री. उन्मेषदादा पाटील यांनी उपस्थित राहून समाजबांधवांना दीपावली पाडव्याच्या व सगर उत्सवाच्या मनःपूर्वक शुभेच्छा दिल्या.

याप्रसंगी व्यासपीठावर शिवसेना शहरप्रमुख श्री. अमोलजी नानकर, तालुकाप्रमुख श्री. भाऊसाहेब पाटील, गवळी समाजाचे कारभारी श्री. महादू लगडे, श्री. ज्ञानदेव अवशीकर, श्री. गणेशजी चीपडे, श्री. राजेंद्रजी आवडळकर, श्री. रामभाऊ अवशीकर, माजी नगरसेवक श्री. रमेशजी हुच्चे, माजी नगरसेवक श्री. अण्णा नामदे, शिवसेना उपशहरप्रमुख श्री. विजय अण्णा गवळी यांच्यासह समाजातील ज्येष्ठ मंडळी, तरुण कार्यकर्ते व समाजबांधव मोठ्या संख्येने उपस्थित होते.

सगर उत्सव हा केवळ एक सण नसून गवळी समाजाची परंपरा, संस्कृती, एकजूट आणि पूर्वजांनी जपलेल्या संस्कारांचा अनमोल वारसा आहे. अशा पारंपरिक उत्सवांमुळे आपल्या समृद्ध संस्कृतीचे जतन होते आणि पुढील पिढीला आपल्या परंपरांची ओळख होते, अशी भावना यावेळी मान्यवरांनी व्यक्त केली.

एकंदरीत पारंपरिक वाद्यांच्या गजरात आणि उत्साहपूर्ण वातावरणात साजरा झालेला हा सगर उत्सव चाळीसगावकरांसाठी आकर्षणाचा केंद्रबिंदू ठरला.