🇮🇳 स्वातंत्र्याच्या ८०व्या वर्षपूर्तीनिमित्त जळगाव जिल्हाधिकारी कार्यालयात दिमाखदार ध्वजारोहण!

जळगाव प्रतिनिधी, निलेश खैरनार.

भारतीय स्वातंत्र्याच्या ८०व्या वर्षपूर्तीनिमित्त जळगाव जिल्हाधिकारी कार्यालयात १५ ऑगस्ट रोजी स्वातंत्र्यदिन उत्साहात आणि देशभक्तीपूर्ण वातावरणात साजरा करण्यात आला. राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री मा. श्री. गुलाबराव पाटील यांच्या हस्ते राष्ट्रध्वजाचे ध्वजारोहण करण्यात आले.

ध्वजारोहणानंतर उपस्थित मान्यवर, अधिकारी, कर्मचारी आणि नागरिकांनी राष्ट्रध्वजाला मानवंदना देत राष्ट्रगीताचा सन्मान केला. यावेळी स्वातंत्र्यसैनिक, शहीद जवान तसेच देशाच्या स्वातंत्र्यासाठी आणि प्रगतीसाठी योगदान देणाऱ्या सर्व वीरांना अभिवादन करण्यात आले.

स्वातंत्र्यदिनाच्या या सोहळ्यामुळे जिल्हाधिकारी कार्यालयाचा परिसर तिरंगामय झाला होता. देशभक्तीच्या घोषणांनी आणि उत्साहपूर्ण वातावरणाने संपूर्ण परिसर भारावून गेला.

स्वातंत्र्याच्या ८० वर्षांच्या गौरवशाली वाटचालीचे स्मरण करताना विकास, सुशासन आणि समृद्ध जळगावचा संकल्प करण्याचा संदेश यावेळी देण्यात आला.

स्वातंत्र्याचा अभिमान… विकासाचा संकल्प… समृद्ध जळगावचा निर्धार!