मराठवाडा प्रतिनिधी: अनिरुद्ध साबळे:
वडीरामसगाव, जालना आज १ मे, महाराष्ट्र दिन व जागतिक कामगार दिनाचे औचित्य साधून घनसावंगी तालुक्यातील वडीरामसगाव येथे जिल्हा परिषद प्राथमिक शाळा आणि ग्रामपंचायत प्रशासनाच्या वतीने अत्यंत उत्साहात ध्वजारोहण सोहळा संपन्न झाला.
मान्यवरांच्या हस्ते ध्वजारोहण व मानवंदना सकाळी जिल्हा परिषद प्राथमिक शाळा वडीरामसगाव व ग्रामपंचायत कार्यालय या दोन्ही ठिकाणी ध्वजारोहण करण्यात आले. यावेळी तिरंग्याला मानवंदना देऊन राष्ट्रगीत म्हणण्यात आले. संयुक्त महाराष्ट्राच्या निर्मितीसाठी बलिदान दिलेल्या हुतात्म्यांच्या स्मृतींना यावेळी उजाळा देण्यात आला, तसेच कामगार दिनानिमित्त कष्टकऱ्यांप्रती कृतज्ञता व्यक्त करण्यात आली.
मान्यवरांची उपस्थिती
या कार्यक्रमास गावातील प्रमुख पदाधिकारी व ग्रामस्थांची मोठी उपस्थिती होती. यामध्ये प्रामुख्याने: ग्रामपंचायत सरपंच, उपसरपंच व सर्व सदस्य ग्रामसेवक व ग्रामपंचायत कर्मचारी, माजी सरपंच व गावातील ज्येष्ठ नागरिक, अंगणवाडी सेविका व आशा सेविका, जिल्हा परिषद शाळेचे मुख्याध्यापक व शिक्षक वृंद गावातील पालक व विद्यार्थी या सर्व मान्यवरांच्या उपस्थितीत हा सोहळा अत्यंत शिस्तबद्ध पद्धतीने पार पडला. उपस्थित मान्यवरांनी यावेळी महाराष्ट्र दिन, कामगार दिन आणि मराठी राजभाषेचे महत्त्व यावर आपले विचार व्यक्त केले.