विभागीय प्रतिनिधी, महेशप्रसाद दिक्षित.
फत्तेपुर : जामनेर तालुक्यातील फत्तेपुर परिसरात बस आणि सुपर कॅरी वाहनाचा भीषण अपघात होऊन एका ४५ वर्षीय व्यक्तीचा जागीच मृत्यू झाल्याची घटना घडली. या अपघातामुळे परिसरात हळहळ व्यक्त होत आहे.
मिळालेल्या माहितीनुसार, हिंगणे येथून फत्तेपुरच्या दिशेने जाणाऱ्या बसने सुपर कॅरी वाहनाला जोरदार धडक दिली. या भीषण धडकेत मंगेश उत्तम नवघरे (वय ४५) यांचा जागीच मृत्यू झाला.
अपघाताची माहिती मिळताच घटनास्थळी नागरिकांनी मोठी गर्दी केली. घटनेमुळे कापूसवाडी परिसरात शोककळा पसरली असून, नागरिकांकडून हळहळ व्यक्त केली जात आहे.